დარაჯი

   1.დარაჯს ნიშნავს ათავისუფლებს საგანმანათლებლო ცენტრის დირექტორი. ის აწარმოებს ობიექტის დაცვას. უშვებს მოქალაქეებს და სატრანსპორტო საშუალებებს სკოლის ტერიტორიაზე   სათანადო საბუთების წარმოდგენის შემდეგ.

  2.დარაჯი ხსნის და ხურავს ჭიშკარს . ამოწმებს დასაცავი ობიექტის დაცულობას,  საკეტებსა და სხვა მოწყობილობებს.

  3. ამოწმებს სიგნალიზაციის გამართულობას, ობიექტის ელექტრომაშუქებელ ფარებს და ხანძარსაწინაამდეგო ინვენტარის მდგომარეობას. გაუმართაობის შემთხვევაში მოხსენებით მიმართავს სამეურნეო ნაწილის გამგეს ან ადმინისტრაციას.

 4.თუ აღმოაჩენს რაიმე დაზიანებას ობიექტზე, ან ჩაირთვება სიგნალიზაცია დარაჯი ვალდებულია ამის შესახებ აცნობოს სკოლის დირექტორს. მათ მოსვლამდე კი უზრუნველყოფს დანაშაულის მამხილებელი ფაქტების დაცვას.

 5.ხანძრის გაჩენის შემთხვევაში ატყობინებს სახანძრო ნაწილს, დირექტორს, პატრულს და ღებულობს პირველ ზომებს ხანძრის სალიკვიდაციოდ.

 6.დარაჯმა უნდა იცოდეს ხელწერა იმ პასუხისმგებელი პირებისა, რომელთა ნებართვით შეიძლება ობიექტზე მატერიალური ღირებულების შემოტანა და გატანა. ობიექტის დაცვის წესი და ინსტრუქციები. შესაბამისი სამსახურების ტელეფონის ნომრები.

7. დარაჯი მოვალეა არ დაუშვას უცხო პირი სკოლის ტერიტორიაზე სპეციალური ნებართვის გარეშე.                                    

ცეცხლფარეში:

 ცეცხლფარეშს ნიშნავს ათავისუფლებს საგანმანათლებლო ცენტრის  დირექტორი სამეურნეო ნაწილის გამგის წარდგინებით.

  ის უზრუნველყოფს საქვაბის მოწყობილობათა შეუფერხებელ მუშაობას, აღრიცხავს ელექტროენერგიისა და საწვავის ხარჯს.

 ცეცხლფარეშმა უნდა იცოდეს: საქვაბეების მოწყობილობა, მუშაობის პრინციპი, უსაფრთხოების  წესები.

 ცეცხლფარეშის სამუშაო გრაფიკს ადგენს სამეურნეო ნაწილის გამგე  დირექტორთან შეთანხმებით.

                       დამლაგებელი:

   დამლაგებელს  ნიშნავს ათავისუფლებს ცეტრის დირექტორი სამეურნეო ნაწილის გამგის წარდგინებით.

  ის მოვალეა უზრუნველყოს სკოლის ნორმალური მდგომარეობა.

მუხლი IV. ადმინისტრაციის ძირითადი მოვალეობანი

      სკოლის ადმინისტრაცია ვალდებულია:

1. 1. განსაზღვროს სკოლის  განვითარების პოლიტიკა და სტრატეგია, შეიმუშაოს ბიუჯეტი , შეასრულოს თანამდებობრივი ინსტრუქციებით მათზე დაკისრებული მოვალეობანი.
   2. შექმნას ობიექტური და დემოკრატიული შეფასების სისტემა პედაგოგთა, მოსწავლეთა, სწავლა–სწავლების  პროცესის მონიტორინგისა და სრულყოფის მიზნით.
   3. ზედამხედველობა გაუწიოს სასწავლო–აღმზრდელობით პროცესს, პასუხი აგოს მის ორგანიზებასა და ხარისხზე.
   4. ხელი შეუწყოს კანონის უზენაესობის დამკვიდრებას და იმოქმედოს კანონიერების ფარგლებში
   5. აკონტროლოს სკოლის თანამშრომელთა მიერ მათზე დაკისრებული მოვალეობის შესრულება. დროულად გამოიყენოს ზემოქმედების ღონისძიებები დამრღვევთა მიმართ;
   6. შექმნას პედაგოგთა შემოქმედებითი და სამეცნიერო მოღვაწეობისათვის ხელშემწყობი გარემო, მოაწყოს წარმატებული გამოცდილების შესწავლა, გავრცელება და დანერგვა;
   7. იზრუნოს სკოლის თანამშრომლებს, მშობლებსა და მოსწავლეებს შორის ჰარმონიული, უკონფლიქტო გარემოს ფორმირებაზე;
   8. მხარი დაუჭიროს და განავითაროს პედაგოგთა ინიციატივა და აქტივობა, უზრუნველყოს სკოლის მართვაში მათი მონაწილეობა;
   9. შეიმუშაოს  პრემიებისა და სხვა ჯილდოების გაცემის წესი და პირობები;
   10.  შექმნას სიცოცხლისა და ჯანმრთელობისათვის უსაფრთხო გარემო;
   11.  უზრუნველყოს, დამტკიცებული ბიუჯეტის მიხედვით, მუშაკთა შრომის ანაზღაურების პირობებისა და ხელფასის ფონდის დაცვა;
   12.   გასცეს ხელფასი დადგენილ ვადებში, (არაუგვიანეს მომდევნო თვის 10 რიცხვისა, გარდა ფორსმაჟორული სიტუაციისა).

მუხლი V. სამუშაო  დრო და პირობები

1. 1. სასწავლო  წლის ხანგრძლივობა და სასწავლო რეჟიმი განისაზღვრება განათლებისა და მეცნიერების სამინისტროს მიერ რეკომენდირებული გრაფიკით;

167–150 სასწავლო  დღით და  ხუთდღიანი სამუშაო კვირით;

  2. პედაგოგთა კვირეული სამუშაო დრო განისაზღვროს ფორმულით:   კვირეული დატვირთვა გამრავლებული 1,5-ზე;

3. პედაგოგი  ვალდებულია  სამუშაო ადგილზე გამოცხადდეს  გაკვეთილის დაწყებამდე 15 წუთით ადრე  და დარჩეს ამ მუხლის მე–2 პუნქტის შესაბამისად, ყოველდღიური საათობრივი ნორმატივის გათვალისწინებით;

4.კლასის დამრიგებელი ვალდებულია სკოლაში გამოცხადდეს სასწავლო პროცესის დაწყებამდე 30 წუთით ადრე.

5. პედაგოგის პროფესიული განვითარებისა და დაოსტატების მიზნით დახარჯული დრო (პროფესიული განვითარების აკრედიტებული პროგრამებით) ჩაითვალოს სამუშაო დროდ;

6. ადმინისტრაციის და სხვა თანამშრომელთა სამუშაო დრო განისაზღვროს კანონმდებლობით დადგენილი წესით. (40-41 საათი კვირაში);

7.  სასწავლო პროცესის ორგანიზებასთან დაკავშირებულ თანამდებობრივ  ინსტრუქციებსა და ფუნქციებს, განსაზღვრავს  სკოლის დირექტორი შესაბამისი განკარგულებით;

8. გაკვეთილების ცხრილს, დღის რეჟიმსა და სამუშაო დღის ხანგრძლივობას თითოეული მუშაკისათვის განსაზღვრავს ადმინისტრაცია და ამტკიცებს სკოლის დირექტორი;

9. დაუშვებელია გაკვეთილების ცხრილისა და სამუშაო გრაფიკის თვითნებურად შეცვლა;

10. პედაგოგიური საბჭოსა და კათედრების  სხდომებზე დასწრება სავალდებულოა;

11. დასვენების დღეები და კუთვნილი შვებულება განისაზღვროს კანონმდებლობით გათვალისწინებული წესით;

მუხლი VI.  დირექტორის განკარგულებათა თანამშრომლებამდე დაყვანის წესი

1. დირექტორის განკარგულება თანამშრომლებამდე  დაიყვანება განკარგულების თვალსაჩინო ადგილზე გამოკვრით, თათბირზე განცხადებით ან ადმინისტრაციის წევრთა მეშვეობით.

მუხლი  VII.  სამსახურში არყოფნის შეტყობინების წესი და შესაბამისი ღონისძიებები

1. საპატიო მიზეზით (ჯანმრთელობის გაუარესების, ქორწინების, მძიმე ოჯახური გარემოებების ან სხვა) სამსახურში გამოუცხადებლობის შემთხვევაში თანამშრომელი ვალდებულია  განცხადებით მიმართოს სკოლის დირექტორს დროებით სამსახურიდან გათავისუფლების შესახებ, ხოლო საგანგებო სიტუაციაში,  აცნობოს დირექციის წევრებს არაუგვიანეს ერთი საათისა სამუშაოს დაწყებამდე;
2. შეტყობინების არარსებობის შემთხვევაში ადმინისტრაცია  უფლებამოსილია, გამოიყენოს ადმინისტრაციული სახდელი;
3. სემესტრის განმავლობაში არასაპატიო მიზეზით 3 დაგვიანებისათვის მასწავლებელს გამოეცხადება გაფრთხილება.
4. შემდეგი 3 არასაპატიო მიზეზით დაგვიანებისათვის მასწავლებელს მიეცემა შენიშვნა.
5. ხოლო შემდეგი 3 არასაპატიო დაგვიანებისათვის პედაგოგს მიეცემა საყვედური პირად საქმეში შეტანით.
6. არასაპატიო მიზეზით გაკვეთილების გაცდენისათვის მასწავლებელს გამოეცხადება საყვედური პირად საქმეში შეტანით, ხოლო განმეორებითი გაცდენისათვის სკოლის დირექტორი განიხილავს საკითხს, მისი სამსახურეობრივი უფლება-მოსილების შეწყვეტის შესახებ.
7. გაკვეთილების გაცდენისათვის მასწავლებელს ექვითება შესაბამისი თანხა. ამ თანხის ანაზღაურება ხდება, მხოლოდ გაკვეთილის ანაზღურების შემთხვევაში.
8. პედაგოგი ვალდებულია სწავლა–სწავლების ეფექტურობის ამაღლების მიზნით ჩაუტაროს მოსწავლეს დამატებითი მეცადინეობა საჭიროების შემთხვევაში.
9. სამსახურში გამოცხადების შემდეგ, თანამშრომელი ვალდებულია აანაზღაუროს გაცდენილი სამუშაო დრო ადმინისტრაციასთან შეთანხმებული გრაფიკით (გარდა იმ შემთხვევისა, როცა არსებობს წინასწარი შეთანხმება კონკრეტულ პირთან მისი შეცვლის თაობაზე).
10. სკოლის თანამშრომლებს საავადმყოფო ფურცელზე ყოფნის პერიოდი არ უნაზღაურდებათ. დეკრეტული შვებულება ანაზღაურდება სახელმწიფო კანონმდებლობით განსაზღვრული პირობებით.
11. მუხლი VIII. წახალისება წარმატებებისათვის

1. სწავლებასა და აღზრდაში წარმატებებისა და მუშაობაში მოპოვებული სხვა მიღწევებისათვის გამოიყენება შემდეგი სახის წახალისებანი:

• მადლობის გამოცხადება;
• ფასიანი საჩუქრის გადაცემა;
• პრემია ან ფულადი ჯილდო და სხვა.

2. წახალისება ცხადდება ბრძანებით, ეცნობება სკოლის მთელ კოლექტივს და შეიტანება მუშაკის პირად საქმეში.

მუხლი IX. პასუხისმგებლობა შრომის დისციპლინის დარღვევისათვის

1. თანამშრომლის მიერ შრომის შინაგანაწესითა და ხელშეკრულების პირობებით გათვალისწინებული მოვალეობების შეუსრულებლობა, მათ შორის: დაგვიანება, არასაპატიო მიზეზით სამსახურის გაცდენა ან თვითნებური მიტოვება, სასკოლო დოკუმენტაციის უხარისხოდ წარმოება, გაკვეთილიდან მოსწავლის გაძევება ზედამხედველის გარეშე, სწავლა–სწავლების  დაბალი ხარისხი, მოსწავლის, მშობლის ან თანამშრომლის შეურაცხყოფა და კონფლიქტის გაღვივება. კოლეგიალობისა და თანამშრომლობის ეთიკის დარღვევა ითვლება დისციპლინურ გადაცდომად და ითვალისწინებს ადმინისტრაციულ სასჯელს:
   • სიტყვიერ გაფრთხილებას;
   • საყვედურს;
   • სასტიკ საყვედურს
   • დათხოვნას;
2. გადაცდომის შედეგებიდან გამომდინარე, თანამშრომელს შეიძლება შეეფარდოს სასჯელის ერთ-ერთი ნორმა, მოცემული რიგითობის გაუთვალისწინებლად.
3. დისციპლინური  სასჯელის დადება შეუძლია სკოლის დირექტორს.
4. სასჯელის დადებამდე შრომის დისციპლინის დამრღვევს უნდა მოეთხოვოს წერილობითი ახსნა– განმარტება, თანამშრომლის უარი ახსნა-განმარტების მიცემაზე (რაც დასტურდება აქტით) არ შეიძლება ჩაითვალოს შეფერხებად, მის მიმართ დისციპლინური სასჯელის გამოყენებისათვის
5. ადმინისტრაცია დისციპლინურ სასჯელს იყენებს გადაცდომის გამოვლენიდან არაუგვიანეს ერთი თვისა, თანამშრომლის ავადმყოფობასა და შვებულებაში ყოფნის დროის ჩაუთვლელად.
6.  ბრძანებას დისციპლინური სასჯელის დადების შესახებ, თანამშრომელი უნდა გაეცნოს  სამი დღის განმავლობაში და დაადასტუროს ხელმოწერით;
7. სასჯელის მოქმედების პერიოდში, თუ თანამშრომელი კეთილსინდისიერად შეასრულებს  მასზე დაკისრებულ მოვალეობებს და მიაღწევს წარმატებას, ადმინისტრაციას უფლება აქვს მოუხსნას  სასჯელი ვადამდე ადრე;
8. დათხოვნა, დისციპლინური სასჯელის  სახით, გამოიყენება არსებული კანონმდებლობის შესაბამისად ან მაშინ, როცა თანამშრომლის მიერ მასზე დაკისრებულ მოვალეობათა შეუსრულებლობა   გამოიწვევს მძიმე შედეგს.
9. ადმინისტრაციული სასჯელის შესახებ გადაწყვეტილება შეიძლება გასაჩივრდეს კანონმდებლობით გათვალისწინებული წესით;

მუსხლი X.  სკოლაში მოსწავლეთა ჩარიცხვის, კლასიდან კლასში გადაყვანისა და დათხოვნის პირობები

        სკოლის პირველ კლასში მიიღებიან ბავშვები, რომელთაც შეუსრულდათ, ან მიმდინარე წელს უსრულდებათ სასკოლო ასაკი ( 5 წელი), იქნება ეს საქართველოს თუ  სხვა ქვეყნის მოქალაქე.

1. I  კლასში მოსწავლეთა ჩარიცხვა წარმოებს შემდეგი დოკუმენტაციის საფუძველზე:
   • განცხადება სკოლის დირექტორის სახელზე;
   • დაბადების მოწმობის დედანი;
   • ბავშვის სამედიცინო ფორმა #26
   • მშობელთა (კანონიერი წარმომადგენლის) რეგისტრაციის დამადასტურებელი დოკუმენტის ასლი
   • ორი ფოტოსურათი, ზომით 3X4
2. სხვა საგანმანათლებლო დაწესებულებიდან გადმოსვლის შემთხვევაში:

• იმ საგანმანათლებლო დაწესებულების მიერ გაცემული ცნობა ან საქართველოს კანონმდებლობით გათვალისწინებული სხვა დოკუმენტი (მოსწავლის პირადი საქმე), რომელიც ადასტურებს პირის მიერ იმ სახის განათლების მიღებას, რომელიც წინ უძღვის ჩასარიცხი კლასის განათლებას;
• ბავშვის სამედიცინო ფორმა - # 26
• მიმდინარე შეფასება,
• ბრძანების ამონაწერი ამორიცხვის შესახებ;

3. სკოლაში ჩარიცხულ ყველა მოსწავლეზე იხსნება პირადი საქმე, რომელშიც დაცული უნდა იყოს:

• განცხდება სკოლის დირექტორის სახელზე;
• დაბადების მოწმობის დედანი
• ორი ფოტოსურათი  3X4
• მშობელთა ( კანონიერი წარმომადგენლის)  რეგისტრაციის დამადასტურებელი დოკუმენტის ასლი;
• მოსწავლის აკადემიური მოსწრებისა და პედაგოგიური დაკვირვების შედეგები.
• სკოლასა და მშობელს შორის დადებული ხელშეკრულება;

4. მოსწავლის ჩარიცხვაზე მშობელს შეიძლება უარი ეთქვას მხოლოდ იმ შემთხვევაში, თუ სკოლის მოსწავლეთა რეგლამენტი ამოწურულია;

შენიშვნა:სკოლის მოსწავლეთა დასაშვებ კონტინგენტს განსაზღვრავს ადმინისტრაცია;

5. ადმინისტრაცია ვალდებულია სკოლაში ჩარიცხვისას მოსწავლესა და მის მშობელს გააცნოს სკოლის შინაგანაწესი.
6. მოსწავლე კლასიდან მომდევნო კლასში გადაიყვანება პედაგოგიური საბჭოს გადაწყვეტილებით დადებითი საბოლოო შედეგებისა და დამამთავრებელი გამოცდების საფუძველზე;
7. კონკრეტულ საგანთა ჯგუფში წარუმატებლობის შემთხვევაში მოსწავლეს ეძლევა დავალება განსაზღვრული ვადით და წარმატებით დაძლევის შემთხვევაში  დაიშვება მომდევნო ეტაპზე;
8. თუ მოსწავლე ვერ აღწევს  წარმატებას, პედაგოგიური საბჭოს თანხმობით, იგი რჩება კურსის განმეორებით მოსასმენად.

 შენიშვნა:

ა) შეფასების ათბალიანი სისტემით ბარიერად ითვლება 5ქულა.

ბ) შეზღუდული შესაძლებლობების მოსწავლეთათვის მოქმედებს სპეციალური პროგრამები და შეფასების სისტემა aseTis arsebobis SemTxvevaSi.

9. მოსწავლეთა სკოლიდან დათხოვნა რეგულირდება მოსწავლეთა ქცევის კოდექსით,  შინაგანაწესითა და მოქმედი კანონმდებლობით.

მუხლი XI.  მოსწავლის მშობლის (კანონიერი წარმომადგენლის) და სკოლის უფლება-მოვალეობანი

1. სკოლაში მოსწავლის ჩარიცხვისას მოსწავლის მშობელთან (კანონიერ წარმომადგენელთან) ფორმდება ხელშეკრულება, რომელშიც ასახულია სკოლის და მშობლის ურთიერთვალდებულებები  და პასუხისმგებლობები და დავის წარმოშობის შემთხვევაში - გასაჩივრების მექანიზმები.
2. ხელშეკრულების  დარღვევა შესაძლებელია, თუ ორივე მხარე თანახმაა დაარღვიოს ხელშეკრულება ან ერთ-ერთი მხარე არ შეასრულებს  ხელშეკრულებით გათვალსიწინებულ პირობებს.

მუხლი XII. მოსწავლეთა ვალდებულებები

1. ყველა მოსწავლე ვალდებულია დაემორჩილოს სკოლაში არსებულ მოსწავლეთა ქცევის კოდექსს.
2. მოსწავლე ვალდებულია გაეცნოს მოსწავლეთა ქცევის კოდექსის ყველა პუნქტს და ხელი შეუწყოს სკოლაში მშვიდი და უსაფრთხო გარემოს შექმნას.
3. მოსწავლე ვალდებულია შეატყობინოს სკოლის ადმინისტრაციას მის მიერ ქცევის კოდექსის ნებისმიერი დარღვევის შესახებ.
4. მოსწავლე ვალდებულია სისტემატურად დაესწროს გაკვეთილებს და სკოლის მიერ დაგეგმილ მიზნობრივ ღონისძიებებს.
5. პასუხისმგებლობის თავიდან აცილება და გაკვეთილების თვითნებურად მიტოვება განიხილება როგორც ქცევის კოდექსის დარღვევა და ითვალისწინებს  დისციპლინურ სასჯელს.
6. მოსწავლე ვალდებულია აკონტროლოს საკუთარი მეტყველება, ქცევა  და მანერები არა მხოლოდ სკოლის ტერიტორიაზე, არამედ სკოლის მიერ ორგანიზებული ნებისმიერი ღონისძიების მიმდინარეობისას.
7.